HOUBUNG NATOH (CHURCH MINISTRY):
1) Houbung mite Pathen houkhomna:
Houbung mipi kaikhom ahiloule Pathen houkhom nahi Hapta sunga tuni geijin hitihin akiche jingin ahi. VAHCHANI NILHAH, PATHEN NI JINGKAH chule PATHEN NI NILHAH in akimang jingin ahi. Pathenni Sun vang Sunday Bible School Class in akimangin ahi.
2) Genthei kithopina:
Houbung sunga genthei vaicha ho kithopina kumseh in akinei jingin ahi. Chule koihile gamsung, khosung chule houbung sunga aphat dungjuija vangsetna toh aumkhahle houbungin hitobang toset tohho chunga jong chun kithopina aphat dungjuiyin akipe jingin ahi.
3) Damlou vilna le taopehna:
Damlou vilna le taopehna hi houbungin Inn mun’a dammo ho hihen, Hospital munna dammo ho hijongle vilna le taopehna Pastor pale Board of Deacon’in akinei jingin ahi.
4) Vacation Bible School:
Kumseh in Vacation Bible School hi khopi sunga houbung jousea chapang jouse hopmin Child Evangelism Department tohgon nanoijin akiboljingin ahi.
5) Inson vilna:
Inn son vilna jong Home Evangelist tenin anei jingin chule atumin Pastorpa le Board of Deacon hon jong group ni-in akihom khen’in jochan’in houbung sunga akhoh jepjep ho insung vilna jong akinei jingin ahi.
6) Jingkah taona:
Jingkah seh-in houin Kot pung LI (4: 00 am) le akihong jingin koihijongle ataonom chan houbung mite a dinga jong atao jingtheina dingin Houbungin taona point akisemin, chule houin maija akitahdoh in ahi.
7) Ann Ngol Taona:
Ann ngol taona hi munpi langa konna program hung kisem hihen lang chule local church a hijongle le aphat dungjuijin Anngol taona jong akineijingin ahi.
8) Lhagao Mangthai ho huhdohna:
Aphat dungjuijin huhhingna Camp/ Revival Camp/Youth Camp/ Nupa Camp, Addict Camp chule adang dang ho jong houbungin lhagao mangthai ho huhdohna dingle tahsan chate tilkhouna dingin kumseh in akinei jingin ahi.
9) Maicham:
Maicham tichu jingkah, nilhah chule nigun na hijongle houbung miten angaichat dungjuiyin akichepi jingin ahi. Hiche hi houbunga dinga Taona ngaicha ho dinga taopehna ministry khat ahi.
